TXANGOA 1.471 m. LEIZARATEKA (Leizaratheka) 1.409 m. URKULU 1.423 m.
Ibañetako mendatetik, eskuinetara, Ortzantzurietako zutoin errepikagailura doan errepideari jarraituz, Orreaga eta Luzaide artean urak banatzen dituen lepora heltzen da (barrakoi militarren hondakinak). Errepidea utzi eta aldapatxo batetik Lepoederreko atakara igoko gara (1.430 m). Lepoaren ertzean, ezkerraldean, bide zabal bat ikusi dugu, garai bateko galtzada zaharra, eta handik iturri baten ondoan dagoen eroritako borda batera joango gara. Bidea utzi eta zailtasun handirik gabe igoko gara gure eskuinean dagoen Txangoa mendira. Txangoako gailurretik iparraldera jarraituz, Bentartea (1.240 m) leporaino jaitsiko gara (Arnegiko Errobi eta Txangoa erreken banalerroa). Jarraian, handik gertu dagoen eta gailurrean mugarri geodesiko bat duen Leizaratheka tontorrera igoko gara, mugaz bestaldera. Bentartera itzulirik, tontorrean duen dorre biribilarengatik ederki ikusten den Urkulurantz jo eta haren gailurrera iritsiko gara aldapa handi bat igo ondoren.
Ikuspegi zabal eta ederrak: Orhi Iratiko basoa oinetan duela, Erronkariko Pirinioak eta Behe Nafarroako lurrak.
Denbora Ibañetatik:
Txangora 1h 50’
Leizarathekara 2h
Urkulura 2h 20’
