Errepidez egiteko ibilbide gomendatua
Hendaia, Donibane Lohizune, Azkaine, Bidarrai, Donibane Garazi, Oxkaxeko lepoa, Maule, Atharratze, Kakuetako arroila (bisita oinez), Santa Grazi; Larraineko bidegurutzera itzuli eta Larrainera igo; Larrainetik Iratiko txaletetara (Bagargietako lepoa). Iratiko txaletetatik Donibane Garazira, Burdinkurutxetako lepotik eta Mendibe herritik itzul daiteke.
Santa Grazitik Iratiko txaletetara Kakuetatik eta Larrainetik igaroz 33 kilometro.
Larrainetik Erroimendiko leporaino eta Larraineko tuneleraino igo daiteke, Otsagabia herrira jaisten den Frantzia eta Espainia arteko nazioarteko errepidetik.
ESKALEAK (Eskaleta) 1.472 m.
Iratiko txaletetako ostatutik hasita (1.327 m.), eta Bagargietako trikuharria inguruko pagoen ondoan ikusiz, iparraldeko osagaia duen bidean abiatuko gara. Bide zabaletik, Bagargietako eta Arthanolatzeko mendien artean dagoen Iraizabaletako leporaino jaitsiko gara. 1.246 metrora dagoen ataka horretatik, bidea gailurrerantz igotzen hasten da, txilar artean sigi-saga, ehiza-lekuak beti eskuinean dituela. 1.472 metroko gailur hau biribildua, ederra eta zabala da, eta bista bikainak ditu.
Denbora Bagargietatik: 1h 15’ – 1h 30’
BIZKARTZE (Bizkarze) 1.656 m.
Bagargietako lepotik (Iratiko txaletak) Bizkarzeko gailurreraino, pista zabal bat dago, hegoalderantz eginez 1h 30 minutuan eroso eramango gaituena, 1.327 metroko garaieratik Bizkartzek dituen 1.656 metroraino.