SAN ADRIAN 1.113 m. MAIZA 1.183 m.
Etxarri Aranatz.
Herrigunea amaitzean, errepidearen ezkerraldean (Gasteizerako norabidean), pista zabal bat hasten da, eta bertatik autoz ere joan daiteke; soro arteko zati laua igaro ondoren, lehenengo bihurgunera iritsiko gara. Autoa utzi eta ezkerretara ikusiko dugun ur-biltegira hurbilduko gara, zuhaitzak hasten diren tokira. Biltegiaren ondoan alanbre hesi bat zeharkatu eta ezkerretik igotzen den bideari ekingo diogu. Bide hori sigi-saga igotzen da zuhaitzen artean, diagonalean igotzen den galtzada erromatarrarekin bat egin arte. Behin bertara iritsita (oso bide markatua da), ezkerretik igotzen jarraitu eta mendilerroaren gaineko atakara iritsiko gara. Puntu horretatik, eskuinetik, maldan gora poliki-poliki, 30 minutuan iritsiko gara Maizara. Eta mendatearen ezkerraldean, San Adrian, babesleku ere baden bere ermitarekin.
Beste ibilbidea, San Adrianera igotzeko oso erosoa dena, Lizarragako herritik abiatzen da (Ergoiena bailaran). Bidea herriko ur-biltegitik ateratzen da, oso markatua dago eta, amaieran, lehen adierazitakotik gertu dagoen beste ataka batetik gainditzen du gandor harritsua.
Denborak: Etxarritik San Adrianera: 1h 35’; Maizara: 1h 50’; Lizarragatik San Adrianera: 1h 10’.