LARREGOIKO 1.014
San Martin (Ameskoa). Ia herriaren irteeran, hartu ongi zolatutako kaletxo bat (iturri baten ondoan), zeinak atzera egiten duen pixka bat, bide harriztatu zabal batekin bat egin arte. Bide horrek bihurgune bat egiten du eskuinetara, eta mendi-hegalean gora doa aldapa handirik gabe. Bidea ezkerretara dagoen iturri baten ondotik igaro (23’) eta mendi-lepo batera heltzen da (2’). Han bitan banatzen da, eta bietako edozeinetatik joan badaiteke ere, jarraitu ezkerretik burdin hesi metaliko batez itxitako alanbre-hesi batera iritsi arte (2′). Hesia zeharkatu eta jarraitu eskuinetik alanbre-hesiaren ondotik 50 bat metro, basoan sartu arte. Igo handik zuzenean, eta mendi-bizkarraren gainaldera iritsiko gara (8′). Ehun bat metro eskuinalderago, antena bat dago. Jarraitu ezkerretara gailurreriaren lerroari (zeharrebaki sakon bat dago), zeharkatu harrizko gune itxi bat (5′) eta gailurra adierazten duen postontzira helduko gara (5′). Denbora: 45’.
MURUBE 1.128 m.
Larraona. Irten errepidetik, iturriaren ondoko kale batean. Azken etxeak igarota, jarraitu mendi-hegalean gora poliki-poliki doan bidetik, zeharkatu hesi metaliko bat (10′) eta uraska bat duen iturri baten ondotik igaroko gara (12′). Aurrerago, beste hesi bat zeharkatu eta, igoera labur baten ondoren, lautada batera iristen da. Han, ermita bat (San Benito) eta borda bat daude (8′). Igo mendi-hegaletik ezkerretara dagoen muinoan gora, gailurreriara iritsi arte, eta handik jarraitu, labar ertzaren ondotik doan bidezidor nabarmen samar batetik. Alanbre hesi bat gurutzatu (16′), eta aurrerago harrizko hesi batera iristen da (4′). Hesi horrek bidearen zati handi batean jarraitzen du, haren ezkerretara. Aldapa labur bat gaindituta, haitz handi baten ondotik igaro behar da (8′), eta jaitsiera txiki baten ondoren, igoera gogor eta luzea dator gailurreraino (12′).Denbora: 1h 10’.
