IPARLA, 1.048 m. ASTATE, 1.034 m. AINTZIAGA, 906 m. LAUORDENA, 1.038 m. TUTULIA, 985 m. UNTXIDE, 838 m.
Izpegiko mendatea, aduanako hesiaren ondoan, aldapa handi bat igoko dugu lehen kota irabaziz. Gailurretik jarraituko dugu Untxideraino, eta gero Latxipiko leporaino jaitsiko gara. Hemendik eskuinera, beste mendi-lepo bat igoko dugu, laster Aintziagako gailurrera iritsi aurretik. Berriz ere mendi-lepo horretan gaudela, malda gogorrean gora egingo dugu, Lauordeneko (Ubedo) gailurrera iritsi arte. Astateko lepora jaitsi ondoren, berehala iritsiko gara izen bereko tontorrera. Gailurretik jarraituko dugu, Arrietako leporaino jaitsiz; beste malda gogor bat zain dugu Tutulia (Kapeluko kaskoa) mendiko gailurrera heltzeko. Gailurretik jarraitu eta gorabehera txiki batzuk gainditu ostean, Iparlako gailurrera iritsiko gara.
Mendi hauei “Iparlako Gailurrak” esaten zaie eta Baigorriko Errobi eta Baztango Bidasoa bailarak bereizten dituzte. Paisaia bikainak dituzte, batik bat Iparla mendiak, hango panoramika Pirinioetatik Baztaneraino hedatzen baita.
Denborak:
Izpegiko mendatetik Untxidera 40’
“ “ Aintziagara 1h 10’
“ “ Lauordenara 1h 20’
“ “ Astatera 1h 35’
“ “ Tutuliara 2h 25’
“ “ Iparlara 3h
