AZAROA, ZIENTZIAROA: BERTAKO IKERLARI ETA EKINTZAILEAK – AINITZE SALA, XABIER ZURUTUZA ETA NEREA ALBARRAN

AINITZE SALA – ONIK

Ainitze Sala (Lazkao) Gizarte eta enpresan lizentziatua Mondragon Unibertsitatean. Graduondokoa Fitoterapian (Landare naturalak eta Osasuna) Bartzelonako unibertsitatean egin zuen eta Elikadura konszientea masterra ere. Naturoterapian, kosmetika naturalean eta fitoterapian ikastaro ugari ditu eginak. ONIK, pertsonen osasun eta ongizatean laguntzeko helburuarekin sortu zen. Honetarako, produktu gama berezia eta esperientzia ezberdinak eskaintzen ditu, beti ere naturari lotuak. Guzti hau, Lazkaoko Beiztinberri baserrian, basoz inguratutako Aralarko magalean, biodibertsitate anitzeko parajean.

Beiztiberriko laborantza gune guztiak 2020tik ekologikoan daude, EKOLURRA Euskadiko Nekazaritza eta Elikadura Ekologikoaren Kontseiluak ala ziurtatua. Bere helburuen bidean, errentagarritasuna eskeiniko duen jarduera bat lantzen da. Honetarako, osasun prebentiborako produktu gama zabal bat sortu du: jarabeak, intxusa siropea, oxymelak, oleatoak, infusioak…Produktu hauek, osagarri dietetikoak dira, administrazioari begira, elikagaien multzoan kokatzen direnak.

XABIER ZURUTUZA – LORTEK

Xabier Zurutuzak Fisikako Gradua lortu zuen Euskal Herriko Unibertsitatean (UPV/EHU), eta Espazioaren Zientzia eta Teknologiako master ofiziala burutu zuen. Gaur egun, Lortekeko DIGITALIZAZIO TEKNOLOGIEN TALDEAn ari da ikertzaile gisa lanean, eta zehazki, talde horren barruan, ikusmen artifizial taldeko kide da. Proiektu nazional eta nazioartekoetan parte hartu du, kalitate-kontrola, anomalien detekzioa eta aldagai kritikoen monitorizazioa lantzen dituzten sistemak garatuz. Baita, adimen artifizialeko algoritmoak erabiltzen dituzten irudi-analisi sistemak garatu ditu, zonaldeko enpresetan jarritakoak.

Gaur egun, Lorteken lan egiteaz gain, Mondragon Unibertsitatearekin elkarlanean ari da doktorego-tesia egiten, irudi hiperespektralen inguruan.

NEREA ALBARRAN – OPOENEA

NEREA ALBARRAN etorkizuneko irakasleen irakaskuntzan eta hezkuntzako oposizioak gainditzeko ahalik eta prestakuntzarik onena sortzen espezializatu den profesionala da. 1.000 ikaslek baino gehiagok gainditu dituzte hezkuntzako oposizioak, eta Opoenean ikasten ari den irakaskuntza-sistema sortu dute. Gainera, Euskal Autonomia Erkidego osoan erreferente izan da, 3 akademia gidatu baititu eta 15 urte baino gehiagoz hezi baitu.

Nerea Albarrán Opoenea akademiaren sortzailea eta irakaskuntzaren zale amorratua da. Bere oposizioa arrakastaz gainditu eta irakasle plaza lortu ondoren, Nereak bere bizitza besteei hezkuntza arloan ametsak lortzen laguntzera bideratzea erabaki zuen. Oposizio-prozesuan izan duen esperientzia pertsonalari esker, oposiziogileek dituzten erronken ulermen paregabea garatu ahal izan du, baita erronka horiek modu eraginkorrean nola gainditu ere.

OpoEnea akademia Nereak bere ikasleei kalitatezko prestakuntza eskaintzeko egindako ahalegin eta dedikazio nekaezinaren emaitza da. Bere ikuspegia ikasle bakoitzaren arrakastarekiko erabateko konpromisoan oinarritzen da, bere lorpena berea ere badela ulertuz.